നിന്റെ വലതുകയ്യില്‍
ഒരു തൂവാല തുണ്ട്
എനിക്കുള്ള കമ്പള മാകാം
അടുത്തെത്തിയപ്പോള്‍
നീ ഉയര്‍ത്തിക്കാട്ടിയത്
സദാചാരത്തിന്റെ കൊടിയായിരുന്നു
ഒപ്പം പ്രണയത്തിനുള്ള കോടിയും
കാരണങ്ങള്‍ നിനക്ക് പലതാണ്
തുറിച്ചു നോട്ടങ്ങള്‍ അവസാനിപ്പിക്കണം.
പണ്ടും
നീ തുറിച്ചു നോട്ടങ്ങളെല്ലാംഅടച്ചിരുന്നു
പക്ഷെ അത് എന്നിലെ പ്രണയത്തെ
നുകര്ന്നെടുക്കാനായിരുന്നു....
ഇന്ന്
കൊടിയുയര്‍ത്തി നീ എന്നെ തടുക്കുന്നു
എന്റെ കയ്യിലും ....
ഒരു കൊടിയുണ്ട്
അത് പക്ഷെ
എഴുത്തില്ലാത്ത എന്റെ ജീവന്റെ കൊടിയാണ്
