യാത്ര
അന്ന്
മാറോടടുക്കി എന്‍ കവിളുരുമ്മി
നീ മന്ത്രിച്ചു
നീ എന്റെ പ്രാണന്‍
പിന്നെ
ബലിഷ്ടമായ കൈക്കരുത്തില്‍ എന്നെ ഒതുക്കി
എന്റെ പിന്‍കഴുത്തിലെ
വിയര്‍പ്പെടുത്തു നീ മന്ത്രിച്ചു
നീ എന്റെ ശ്വാസമാണ്
ഇന്നലെ
വാടിയ തണ്ട് പോല്‍ നിന്‍ തനുവില്‍
ചാഞ്ഞ എന്‍ വയറില്‍ മുഖമമര്‍ത്തി
നീ മന്ത്രിച്ചു
നീ എന്റെ പെണ്ണാണ്‌
ഇന്ന്
ദിഗന്തം പൊട്ടുമാറു..ഉച്ചത്തില്‍
നീ വിളിച്ചു പറയുന്നു
ഞാന്‍ തെവിടിശിയാണ്‌
നാളെ
കയ്യിലൊരു കല്ലുമായി എന്നെ
എറിയുന്നനിന്നെ ഞാന്‍
കാണുന്നു
എന്നാണ് ഞാന്‍
പ്രാണനില്‍ നിന്നും തെവിടിശിയിലേക്ക്
യാത്രയാക്കപെട്ടത്‌.....
No comments:
Post a Comment