vikasanam........... 

പഠിക്കാന്‍ തുടങ്ങിയ കാലം മുതല്‍ നമ്മുടെ രാജ്യം developing  country  എന്ന് കേട്ട് തുടങ്ങിയതാണ് ..വര്‍ഷങ്ങള്‍ ഒരു പാട് ഓടിയിട്ടും അതിനു മാറ്റമില്ല അപ്പോഴാണ് അറിഞ്ഞത് എനിക്ക് മുന്‍പേ പഠിച്ചവരും .ഇപ്പോള്‍ പടിക്കുന്നവരും ഇങ്ങനെ തന്നെ പഠിച്ചു കൊണ്ടേ ഇരിക്കുന്നു ...എങ്ങനെ വികസിത രാജ്യമാകം. 

ഉത്തരങ്ങള്‍ നമുക്ക് അക്കമിട്ടു തന്നെ എഴുതി തുടങ്ങാന്‍ പറ്റും .ജനസംഖ്യ കുറയ്ക്കണം .തൊഴില്‍  രാഹിത്യം ഇല്ലാതാക്കണം , വിദ്യാഭ്യാസം എല്ലാവര്ക്കും കിട്ടണം  ..പുതിയ വ്യവസായ നയങ്ങള് രൂപവല്‍ക്കരിക്കണം ..പോരെ ഇനിയും പഴയ പല്ലവി പാടണോ ഇതൊക്കെ നമ്മുടെ രാജ്യത്തു നടപ്പിലക്കിയില്ലേ എന്നിട്ടും എന്തുകൊണ്ട് നമ്മുടെ രാജ്യം വികസിത രാജ്യമായില്ല ..അതിനു ആദ്യം ചെയ്യേണ്ടത് ചില  ഒഴിവാക്കലുകള്‍ ആണെന്ന് ഞാന്‍ പറയും. ഇന്ത്യയിലെ ചില സംസ്ഥാനങ്ങള്‍ വിട്ടു കളയുന്ന ചില സംരഭന്ഗ്ങ്ങള്‍  ഏറ്റെടുക്കുന്ന  സംസ്ഥാനങ്ങളും ഉണ്ട്. അവിടെയൊക്കെ എന്തിന്റെ പേരില്‍  ഭരണാധികാരിയെ കുറ്റം പറഞ്ഞാലും അവിടെ  നടക്കുന്ന വികസനത്തെ കാണാതിരിക്കാന്‍ ആവില്ല .പക്ഷെ ഇന്ത്യയെ ഒരു ശരീരം ആയി കണ്ടാല്‍ അതിലെ കണ്ണ് മാത്രം അല്ലെങ്കില്‍ കൈ മാത്രം വളര്‍ന്നിട്ടു എന്ത് കാര്യം എന്ന് ചോദിച്ചേക്കാം  .ഇന്ത്യയിലെ എല്ലാ സംസ്ഥാനത്തിന്റെയും കാര്യങ്ങള്‍ പറയാന്‍ ഉള്ള അറിവ് പരിമിതം ആയതു കൊണ്ട് നമ്മുടെ  സംസ്ഥാനത്തെ കുറിച്ച് പറയാം .പഞ്ച വദ്യതിന്റെയും  ഗജവീരന്മാരുടെയും ഉച്ചഭാഷിനിയുടെയും അകമ്പടിയോടെ ഉത്ഘാടനം ചെയ്യപെടുന്ന പല വികസനോന്മുഖ പരിപാടികളും രണ്ടു നാലു ദിനം കൊണ്ട് മുദ്രാവാക്യത്തില്‍ മുങ്ങി താഴുന്ന ഏറ്റവും സങ്കടകരമായ അവസ്ഥ. സത്യം പറഞ്ഞാല്‍ ഉത്ഘടനതിനു വന്ന ആന ഇട്ട പിണ്ഡത്തിന്റെ പച്ച മാറുന്നതിനു മുന്പ് തന്നെ അതിനെതിരെ കാഹളങ്ങള്‍ മുഴങ്ങി തുടങ്ങും .അതിനു ഒരു കൊടിക്കാരും മോശമല്ല. ..ഒരിടത് വികസനത്തിനുള്ള ചര്‍ച്ച തുടങ്ങുമ്പോള്‍ മറുവശത്ത് അതിനെതിരെ ധര്‍ണ  നടത്താനുള്ള  ചര്‍ച്ചയും കൊഴുക്കും. ഒന്നുമില്ലെങ്കില്‍ ഉത്ഘടനതിനു ക്ഷണിച്ചതില്‍  ആരെയെങ്കിലും ഒഴിവാക്കി എന്ന് പറഞ്ഞു എങ്കിലും ഒരു കൂവല്‍ ഉറപ്പാക്കും .കഴിഞ്ഞ കുറെ വര്‍ഷങ്ങളായി നമ്മുടെ കൊച്ചു കേരളത്തില്‍ വരും വരും എന്നു പറഞ്ഞു എന്നിട്ട് വരാതെ പോയ അല്ലെങ്കില്‍ വരും വരാതിരിക്കില്ല എന്നൊക്കെ പറഞ്ഞു നില്‍ക്കുന്ന കുറെ വികസന പരിപാടികളൊക്കെ ഒന്ന് നടന്നു കിട്ടിയാല്‍ ഒരു പക്ഷെ ഇന്ത്യയിലെ ഏറ്റവും വികസനമുള്ള സംസ്ഥാനം  നമ്മള്‍ ആകും .പക്ഷെ അതിനു നമ്മള്‍ സമ്മതിക്കില്ല ..ചില വാദികള്‍ ഇവിടെ ഉണ്ടെന്നു അറിയുനത് തന്നെ ഇങ്ങനെയുള്ള ഒരു ചര്‍ച്ചയ്ക്കു എതിരെ പത്ര സമ്മേളനം  നടക്കുന്ന്പോഴാണ് .മഴയത് ഇറങ്ങുന്ന ഈയംപാറ്റകളെ പോലെ ഒരു പ്രളയം ആണ് പിന്നെ ...എന്നെങ്കിലും പടല പിണക്കങ്ങളും ചില വ്ര്തികെട്ട മുടന്തന്‍ നയങ്ങളും മാറ്റിവച്ചു നമ്മുക്ക് വികസനം നേടിയെടുക്കണം, നമ്മുടെ നാടിനു ഐശ്വര്യം  വേണം  എന്ന് വിചാരിക്കുന്ന ഒരു സമൂഹം ഉണ്ടായാലേ  എല്ലാത്തിനും വ്യതാസം ഉണ്ടാകു. നമുക്ക് തെറ്റുകള്‍ ചൂണ്ടികാട്ടാം .പക്ഷെ തെറ്റ് മാത്രമേ  കണ്ടുപിടിക്കൂ  എന്നാ വാശി ഇനിയെങ്കിലും നമുക്ക് വേണ്ടിഉപേക്ഷിച്ചു കൂടെ ?

പനയോലയ്ക്ക് കൂട്ടു പോയ എഴുത്താണി
ഏതോ നിലവറയ്ക്കുള്ളില്‍
കണ്ണും മിഴിച്ചിരുന്നു ..
അക്ഷരങ്ങള്‍ മനസ്സില്‍ കുരുങ്ങിയ
എന്നെപോലെ

മുഖമില്ലാതെ പ്രതികരിക്കുമ്പോള്‍ സ്വത്വം 
നഷ്ടമാകുന്നപോലെ 
അതിനാല്‍ മറ വേണ്ടെനിക്ക് 
ആരവമിതില്‍ പങ്കു ചേരുവാന്‍

നിമിഷത്തില്‍ പത്തു വീതം
മരണം ഘോഷിക്കപെടുമ്പോള്‍
വിറങ്ങലിക്കുന്നു വിചാരമുള്‍പ്പടെ
നിഴലിനെക്കാളും അരികില്‍
മൃതിയൊച്ച കേള്‍ക്കുന്നുവോ

പുതിയ പാഠം

കിളികള്‍ സ്വര്‍ഗതോപ്പിലായിരുന്നു
ഇണങ്ങിയും പിണങ്ങിയും
വേടന്‍ ഇത്തവണ അമ്പെയ്തില്ല
പകരം വലയെറിഞ്ഞു
ഒരു കിളിക്കായി
ചിറകു വെട്ടി കൂട്ടിലിടാന്‍
ഇണക്കിളി വലയിലേക്ക്
വീണു കൊടുത്തു
പോകുന്ന വഴിയില്‍
ഷാപ്പിലെ അടുക്കളയില്‍
ഒരു കിളി മുളക് പുരണ്ടു

ചിറകുകള്‍ ചെവി ചൊറിയാന്‍
പാകത്തില്‍ നിരന്നു കിടന്നു

കൂട്ടിലെ കമ്പിക്കിടയിലൂടെ
ആകാശം നോക്കി മറുകിളി ഇരുന്നു
കരയാതെ ...
കരഞ്ഞാല്‍ കേള്‍ക്കാന്‍
ആകാശം മാത്രം

അപ്പോളകലെ
വറുത്ത കിളിഇറച്ചിയുടെ
പാട്ടുപാടി വേടന്‍ നാവു നുണയുന്നുണ്ടായിരുന്നു

അതിര്

വേലി പരുത്തിയും ചെമ്പരത്തിയും
ഇഴചേര്‍ന്നു നിന്ന നമ്മുടെ അതിരിനെ
മുള്ളുകംബികൊണ്ട് നീ
സുരക്ഷിതമാക്കുംപോള്‍
വലിയ സര്‍വേക്കല്ലുകള്‍
പാകി നിര്‍ത്തുമ്പോള്‍
മുള്ളു കൊണ്ടത്‌ എന്റെ മനസിനാണ്
കൂലിവാങ്ങി തൊടികടന്നു
പോകുന്നവന്റെ കത്തി നോക്ക്
അതിലിപ്പോഴും അരിഞ്ഞു തള്ളിയ
പച്ചപ്പിന്റെ മണം
നീ മനസിലാക്കാതെ പോയ
എന്റെ മനസിന്റെ മണം
അടയാളങ്ങളില്ലാത്തവളുടെ അവസാന ഗന്ധം.