മഴ പ്രണയം
മേഘകുടത്തിൽ വെള്ളം നിറച്ചു
ഭൂമിതൻ മാറിലേക്കൊഴിച്ചു
ആകാശം ഭൂമിയെ
നോക്കി കണ്ണിറുക്കി ചിരിച്ചു
കാറ്റിലുണക്കി യെടുക്കുമ്പോഴും
മരത്തിന്റെ മാറിലൂടെ ഒഴുകി
ഇറങ്ങുന്ന മഴത്തുള്ളികൾ തട്ടി മാറ്റി
ഭൂമി നാണത്താൽ ഈറൻപിഴിഞ്ഞു
പിന്നെയും കുടം തിരയുന്ന ആകാശത്തോടു
പരിഭവം കാട്ടി മുഖം കുനിച്ചു
കാറ്റൊരു കള്ള സാക്ഷിയെ പോലെ
വാ പൊത്തിചിരിച്ച്
തലങ്ങും വിലങ്ങും പാഞ്ഞു
No comments:
Post a Comment