നീ നല്കിയ മരണം
നീ ആദ്യം എന്‍റെ പ്രണയത്തെ
നിന്റെ ചൂടില്‍ പൊതിഞ്ഞു
പിന്നെ പതിയെ
കരുതിവച്ച വാളെടുത്തു
ഉന്നം തെറ്റാതെ ശിരസരുത്ത്
തണുപ്പില്‍ വച്ചു
കാരണം എന്‍റെ പ്രണയത്തിനു
ചൂട് കൂടുതലായിരുന്നു
എന്‍റെ വിളികള്‍ നിന്നെ ഉണര്‍ത്തിയില്ല
അതിനു മുന്നേ വിളിച്ചവര്‍
എന്‍റെ മരണം ആഗ്രഹിച്ചിരുന്നു
നീ അവര്‍ക്ക് പാനപാത്രം ഒരുക്കി
എത്ര തണുപ്പിലും ഉറയാതെ
എന്‍റെ ചോര വീണ്ടും കിനിയുന്നു
എങ്കിലും നീ നല്കിയ മരണം
ഞാന്‍ ഏറ്റുവാങ്ങുന്നു ..
നിന്നില്‍ നിന്നൊരു മന്ത്രകോടി
ഞാനെന്നും കൊതിച്ചിരുന്നു
ഇതാവാം നീ എനിക്കായി കരുതിവച്ചത്‌......
നീ അറിയുക നിന്റെ ഉടല്‍ മുഴുവന്‍
പടര്‍ന്നു നില്‍ക്കുന്നത് എന്‍റെ ചോരത്തുള്ളികള്‍
നിന്നില്‍ നിറയുന്നത് മുഴുവന്‍
എന്‍റെ ചോരയുടെ മണവും
പിന്നെ എങ്ങനെ നിനക്കെന്നെ
കൊലപ്പെടുത്താനാവും ....
No comments:
Post a Comment