ജൂണ്‍ 15 .എന്റെ ജീവിതത്തിലെ വളരെ വേദനിപ്പിക്കുന്ന ഒരു ദിവസം ആണ് .എന്റെ അച്ഛൻ മരിച്ച ദിവസം..ബിന്ദൂസേ എന്ന വിളിയും റൊട്ടിയുടെ മണവും ആയിരുന്നു എനിക്ക് അച്ഛൻ . .വ്യക്തമായ രാഷ്ട്രീയ കാഴ്ചപാടുകളും ഉറച്ച നിലപാടുകളും ഉള്ള ഒരു സാധാരണ പാർട്ടി പ്രവർത്തകൻ . വീടുമുഴുവൻ കുലുങ്ങുന്ന ചിരി ചിരിയ്ക്കുന്ന അച്ഛൻ ...വിശാലമായ നാട്ടിൻ പുറത്തു നിന്ന് തിരുവനന്തപുരത്തെ ഞാൻ താമസിക്കുന്ന വീട്ടിലേക്കു വരുമ്പോൾ എങ്ങോട്ട് ഒന്ന് കാർക്കിച്ചു തുപ്പും ബിന്ദൂസേ എന്ന് ചോദിച്ചു നഗരത്തിന്റെ ഇടുങ്ങലിനെ കളിയാക്കുന്ന അച്ഛൻ ..രാഷ്ട്രീയ എതിര്പ്പുകളെ ചിരിച്ചു കൊണ്ടു മറുപടി കൊടുത്തു മുനയൊടിക്കുന്ന അച്ഛൻ ...അങ്ങനെ എന്തെല്ലാം .ഇന്ന് മുഴുവൻ ഓർമ്മകളിൽ നിറഞ്ഞിരിക്കുന്നത്‌ കൊണ്ടാകാം അച്ഛന്റെ മണം ചുറ്റും ....