Friday, December 27, 2013

മണം തേടി പോയവളെ കാത്തു


രാത്രിയിലിത്തിരി വെളിച്ചവും
കൊണ്ടൊരുവൾ
പാറി വന്നെത്തി നോക്കി
കുശലം ചോദിച്ചൊരു
ഗന്ധരാജന്റെ മാദക മണംതേടി
ചിന്തകൾ പിന്നോട്ടോടി മറഞ്ഞിട്ടു
തെല്ലധികം കഴിഞ്ഞല്ലോ
എന്തേ മിന്നാമിനുങ്ങിനെ
കണ്ടിനിയും കരഞ്ഞു കൊണ്ടാ
വഴിയിലെങ്ങാനും പമ്മുന്നതു കണ്ടുവോ
കാലം മുടിയിഴ തന്നിൽ കുമ്മായമിട്ടിട്ടും
ഉള്ളിലെ ബാല നടുക്കങ്ങളിന്നും
മിഴി പൂട്ടി ഒളിക്കുന്നു

1 comment:

  1. so many beautiful posts... flooded with words..

    ReplyDelete