Thursday, December 26, 2013

അടിച്ചമർത്തുന്നവരോടു ......

മലർന്നൊഴുകുന്ന മീനുകളും
വിഷമൊഴുകുന്ന പുഴകളും
പേടിപ്പിച്ചിരുന്ന രാത്രിസ്വപ്നം
കൈയ്യകലത്തു തിറയാട്ടമാടുമ്പോൾ
കഥകളിൽ നിന്നിറങ്ങി കാളിന്ദി
കാതികുടത്തൊഴുകുമ്പോൾ
കാളിയൻമാരെ നിങ്ങളോർക്കുക
ആര്ജവങ്ങളുടെ ആരവങ്ങളിലേക്ക്
ജീവന്റെ നിലനില്പിലേക്ക്
അധികാരത്തിൻറെ ഗർജ്ജനങ്ങളും
പണത്തിന്റെ ദംഷ്ട്രകളും കൊണ്ടെത്ര
നാൾ ചോര ചാലിക്കാനാകും
എത്ര നാൾ വിഷം നിറയ്ക്കാനാകും

No comments:

Post a Comment