Thursday, December 26, 2013

ശ്വാസം

ചിതയിലെരിഞ്ഞു പോയ അച്ഛന്റെ
ശരീരത്തെക്കാളും
ഞാനിന്നു തേടുന്നത്
മരണമെന്ന മൌനത്തിലേക്ക്‌
തണുത്തിറങ്ങുംമുൻപ്
അച്ഛനെ വിട്ടകന്ന
ശ്വാസത്തെയാണ്
പ്രകൃതിയുടെ ഏതു തുരുത്തിലാവും 
എന്നെ തൊടനാവാതെ
അതലഞ്ഞുതിരിയുന്നുണ്ടാവുക
നെഞ്ചിലൊട്ടിയുറങ്ങുമ്പോൾ
എൻ മൂർദ്ധാവിൽ ഉമ്മ വച്ചിരുന്ന
സംരക്ഷിത കവചം
അതിനെ തേടുകയാണ് ഞാൻ

No comments:

Post a Comment